Hoxe venres ás 20:00 horas terá lugar no salón de actos do Concello de Mondariz Balneario (Pontevedra) a presentación en primicia da serie de televisión "Rockefeller en Mondariz". Este traballo audiovisual indaga na visita que o famoso millonario americano John Davison Rockefeller III fixo a Galicia no verán de 1929, cando visitou a catedral de Santiago, asistiu a unha corrida de touros en Pontevedra e tivo un encontro no Gran Hotel de Mondariz co entón xefe do Estado, o ditador Miguel Primo de Rivera. A produción forma parte do programa organizado pola Fundación Mondariz Templo del Agua e o Concello de Mondariz-Balneario para conmemorar o 150 aniversario da Declaración de Utilidade Pública das Augas de Mondariz (1873-2023) esta realizada en coproducción coa TVG
"Rockefeller en Mondariz" xurde dun traballo de investigación sobre esta visita iniciado polo xornalista Fernando R. Ojea e que serviu como base para un produción audiovisual que levou á busca de documentación en más de trinta arquivos de España y América; un traballo en equipo producido por Valentín Carrera, presentado por Alicia Carrera Castaño; con realización de Carlos Prado Pampín; narración de Isabel Vallejo e Stephen Hughes; e a participación especial nas escenas reconstruídas de Sandra Carrera como Carmen Primo de Rivera e Luis Iglesia como John D. Rockefeller III. O traballo contou tamén coa participación do escritor Juan Eslava Galán e do xornalista e investigador orixinal da viaxe, Fernando R. Ojea. O audiovisual se estreará este venres, contando a volta ao mundo do multimillonario, na cal percorreu Europa, China, Xapón ou o Pacífico. Durante toda a viaxe, Rockefeller escribiu un diario ata a data inédito, que se conserva e cuxo relato é o fío condutor da serie.
