O Laboratorio de Formas de Galicia é unha entidade sen ánimo de lucro, de dereito propio, fundada por Isaac Díaz Pardo, Luis Seoane e, posteriormente. Andrés Fernández-Albalat. De el nace o actual Grupo Sargadelos en todas as súas facetas e de el xurde a iniciativa creadora do que foi o Museo de Arte Contemporánea Carlos Maside. O Laboratorio xurdiu en 1963 do reencontro de Díaz Pardo con Luis Seoane na Arxentina, cando motivados pola situación de desmemoria que estaba a sufrir Galicia, crean o que foi un proxecto clave para a cultura galega do século XX, do que partirán importantes propostas. O mesmo ano da súa creación, o Laboratorio de Formas asinou un convenio con Cerámicas do Castro, a empresa de cerámica que creara Díaz Pardo xunto con outros socios a finais dos anos corenta, para levar adiante os proxectos elaborados nese crisol de ideas que foi o Laboratorio. A creación do Museo Carlos Maside, tamén en 1970, parte dunha idea alentada por Luis Seoane que buscaba recoller a obra e a documentación do movemento renovador da arte galega a partir de Castelao, inaugurouse de forma provisoria nunhas dependencias cedidas por Cerámicas do Castro ata que, en 1982, se rematou a súa sede definitiva, o edificio de módulos hexagonais deseñado por Albalat a carón da fábrica de Cerámicas do Castro. Moitas das obras da súa colección foron doadas ou depositadas por Isaac Díaz Pardo, Luis Seoane e os seus contactos segundo Díaz Arias. No seu artigo en la Voz de Galicia, Camilo Díaz Arias sinala tamén que foi o laboratorio quen solicitou á Xunta a declaración BIC do Museo.
