Cun orzamento de 511.643 euros, a plataforma Contratos de Galicia publicaba este 7 de xuño a convocatoria para licitar a "Construción da reurbanización da área chamada Campo de Ocio na Cidade da Cultura de Galicia". A Fundación que xestiona o complexo do Gaiás promove esta actuación coa pretende urbanizar o espazo anexo á autoestrada A-9, ao sur-leste dos edificios principais, e axeitalo para acoller "eventos multitudinarios ao aire libre".
Segundo sinala o proxecto da actuación, este recinto, ao que tamén se denomina "Campo da feira" en diferentes documentos da licitación, contará cun espazo central elevado a xeito de escenario e incorporará bancos perimetrais que faciliten a visión do mesmo. Ademais, o conxunto rodearase de árbores de grande porte, contará con zonas de céspede e con pérgolas que facilitarán sombra ou refuxio da choiva segundo sexa necesario.
Na memoria, elaborada por Trespés Arquitectos, sinálase que a inspiración deste novo espazo está nos campos da feira "dende os máis tradicionais aos máis actuais". Segundo o documento "partindo da urbanización existente, decÃdese facer unha plantación con arbores de gran porte que conforman un circulo, a lubre da cidade da cultura, o lugar onde celebrar". Arredor deste espazo "entre as arbores, espazos para realizar a feira, para merendar, desfrutar da sombra, para estomballarse na herba..."
As actuacións afectarán ademais ao estacionamento existente na zona, que se integrará co resto dos espazos deste tipo existentes no Gaiás, e desenvolverán un paseo que facilitará o acceso peonil ao complexo. Ademais, instalaranse bancos e mellorarase a accesibilidade. O prazo de execución das obras é de seis meses, polo que se agarda que a nova área poida entrar en funcionamento para 2024.
Recreación do futuro espazo para eventos exteriores no Gaiás
Segundo sinala o proxecto da actuación, este recinto, ao que tamén se denomina "Campo da feira" en diferentes documentos da licitación, contará cun espazo central elevado a xeito de escenario e incorporará bancos perimetrais que faciliten a visión do mesmo. Ademais, o conxunto rodearase de árbores de grande porte, contará con zonas de céspede e con pérgolas que facilitarán sombra ou refuxio da choiva segundo sexa necesario.
Na memoria, elaborada por Trespés Arquitectos, sinálase que a inspiración deste novo espazo está nos campos da feira "dende os máis tradicionais aos máis actuais". Segundo o documento "partindo da urbanización existente, decÃdese facer unha plantación con arbores de gran porte que conforman un circulo, a lubre da cidade da cultura, o lugar onde celebrar". Arredor deste espazo "entre as arbores, espazos para realizar a feira, para merendar, desfrutar da sombra, para estomballarse na herba..."
As actuacións afectarán ademais ao estacionamento existente na zona, que se integrará co resto dos espazos deste tipo existentes no Gaiás, e desenvolverán un paseo que facilitará o acceso peonil ao complexo. Ademais, instalaranse bancos e mellorarase a accesibilidade. O prazo de execución das obras é de seis meses, polo que se agarda que a nova área poida entrar en funcionamento para 2024.
