A RAG conmemora 60 anos do Día das Letras cunha exposición virtual

A conmemorar os 60 anos da celebración do primeiro Día das Letras Galegas, a Real Academia Galega publicaba no seu web, este 9 de maio, unha exposición virtual que repasa a historia desta celebración. A través de 125 imaxes, a mostra fai memoria, edición a edición, "do que consideramos o grande acontecemento cultural de Galicia", segundo sinala o presidente da institución, Víctor F. Freixanes, na presentación do espazo.

A data instituíse por iniciativa de Francisco Fernández del Riego, que fixo a proposta na RAG o apoio dos tamén académicos de número Gómez Román e Ferro Couselo de crear "unha xornada oficialmente adicada a honrar os nosos libros". A data do 17 de maio instituíuse a coincidir co centenario da celebración de Cantares gallegos en 1863. A recuperar documentos conservados na propia Academia, na Fundación Penzol e na editorial Galaxia, a mostra comeza co documento da proposta da creación do Día das Letras Galegas e dúas fotografías históricas daquela primeira edición.

A pegada da celebración na diáspora, os actos de apoio desenvolvidos desde diferentes entidades ao longo dos anos, imaxes de manifestacións a prol da lingua, discursos institucionais, descubertas de placas conmemorativas, ofrendas florais aos homenaxeados por toda Galicia ou escolma de carteis sobre a data fan parte deste proxecto, que achega un total de 125 imaxes.