A coincidir co vinte cabodano do falecemento de Lois Tobío, a sede do Consello da Cultura Galega en Santiago de Compostela celebra este 13 de marzo unha xornada de homenaxe ao escritor e diplomático. Ademais, na mañá desta mesma data, a entidade asinaba un acordo con Constanza Tobío, filla do homenaxeado, pola que custodiará o fondo documental deste histórico galeguista.
Este material, que, segundo a institución "inclúe correspondencia, manuscritos e documentos referenciais" sobre momentos clave do exilio republicano galego ou da fundación do Consello de Galiza, súmase á correspondencia do homenaxeado que xa dixitalizara o CCG.
A xornada Os anos de Lois Tobío desenvólvese a partir das 17 horas cunha intervención na que Constanza Tobío falará sobre a memoria do seu proxenitor. A continuación desenvolverase unha mesa redonda moderada por Xosé Manoel Núñez Seixas na que Ramón Villares, Marga Romero Emilio Xosé Insua abordarán o poliédrico legado do que foi membro do Seminario de Estudos Galegos, diplomático, xornalista, escritor ou impulsor do Consello de Galiza no exilio.
A coincidir coa data, o Consello publicou na rede unha escolma destes fondos "que nos permite albiscar a densidade e relevancia da documentación gardada". Fotografías. A biografía do homenaxeado no Álbum de Galicia, unha galería fotográfica ou unha selección do epistolario son algúns dos contidos aos que se pode acceder no web do CCG.
Este material, que, segundo a institución "inclúe correspondencia, manuscritos e documentos referenciais" sobre momentos clave do exilio republicano galego ou da fundación do Consello de Galiza, súmase á correspondencia do homenaxeado que xa dixitalizara o CCG.
A xornada Os anos de Lois Tobío desenvólvese a partir das 17 horas cunha intervención na que Constanza Tobío falará sobre a memoria do seu proxenitor. A continuación desenvolverase unha mesa redonda moderada por Xosé Manoel Núñez Seixas na que Ramón Villares, Marga Romero Emilio Xosé Insua abordarán o poliédrico legado do que foi membro do Seminario de Estudos Galegos, diplomático, xornalista, escritor ou impulsor do Consello de Galiza no exilio.
A coincidir coa data, o Consello publicou na rede unha escolma destes fondos "que nos permite albiscar a densidade e relevancia da documentación gardada". Fotografías. A biografía do homenaxeado no Álbum de Galicia, unha galería fotográfica ou unha selección do epistolario son algúns dos contidos aos que se pode acceder no web do CCG.
