Un total de doce compañías estarán presente na novena xeira do Festival Núbebes, que se celebra en Pontevedra o domingo 26 de febreiro e a fin de semana dos días 3, 4 e 5 de marzo. O programa, que recupera a súa plena normalidade logo das restricións pola pandemia, achegará tres estreas. Palabras de Baobab Teatro, Tricus Beliscus de Rilo e Penadique, e o Concerto Silforiña, que integra a Golfiños e a Baobab Teatro son as producións que se presentan na cita.
Canda a isto, o festival especializado no público de menor idade, conta con espectáculos de Soledad Felloza, A Xanela do Maxín, Teatro ó Cubo, Xoán Curiel ou Pablo Díaz. Música, monicreques, contacontos e actividades como a guerra de almofadas completan o programa. Baobab Teatro coordina este evento que organiza o Concello de Pontevedra.
