Aprendéronlles a cantar

Durante séculos, as mulleres do campo e do mar galego combinaron o lecer e o traballo ao ritmo de instrumentos do cotiá e voces e coplas pasadas de xeración en xeración. Ata que esa correa de coñecementos e diversión crebou a partir dos anos 60. A súa recuperación, a partir dos anos 80 e 90, por unha nova xeración que percorreu as aldeas documentando todos estes cantos para o repertorio das novas formacións musicais é unha das grandes historias da cultura contemporánea. A webserie 'Axudádeme a cantar' en seis episodios presentada hoxe polo Consello da Cultura Galega percorre o dilatado arco destas historias. Desde as testemuñas das aldeas ás responsables da súa recollida e popularización actual a través de festas e formacións musicais, esta webserie dirixida por Renée DePalma, Xulia Feixoo, Carme López, da Sección de Lingua, Literatura e Comunicación. A fotografía do documental é de Olaia Tubía e a produción de Alejandro Gándara.

Mira os vídeos