Sondaxe no interior do buque. Foto: Brendan Mason / Chirstin Heamagi / Nigel Nayling
O impoñente galeón Santiago de Galicia construído en Italia afundiuse nun mal día de 1597 no exterior do porto de Ribadeo. Durante máis de catrocentos anos, o buque preservouse nunhas condicións excepcionais que permitiron varias intervencións arqueolóxicas a cargo do arqueólogo submarino Miguel San Claudio desde 2011. Agora, un artigo escrito por Brandon Mason, Christin Heamagi e Nigel Nayling e publicado na revista Heritage permite observar os traballos de dixitalización levados a cabo durante as diferentes campañas do proxecto e explorar pola nosa conta o fondo submarino onde se conservan os restos arqueolóxicos.
Visión xeral do buque. Foto: Brendan Mason / Chirstin Heamagi / Nigel Nayling
Os primeiros modelos 3D foron realizados a partir do uso da técnica da fotogrametría dixital, creando un modelo de alta resolución a partir de 1293 fotografías, e a partir de aí, fóronse realizando tarefas de documentación fotográfica nas diferentes campañas. No artigo, os autores reflexionan sobre o fluxo de traballo de produción destas fotogrametrías dixitais submarinas e as súas implicacións para o traballo dos arqueólogos e para a divulgación ao público xeral das investigacións.
Madeiras do buque. Foto: Brendan Mason / Chirstin Heamagi / Nigel Nayling
Explora o galeón Santiago de Galicia pola túa conta:
