Co eixe temático "O campo intelectual: ideologia, blocos de poder e instituições na Galiza" está a chegar ás librarías a segunda entrega da revista de pensamento Clara Corbelhe. No seu índice, artigos sobre cuestións como o Land Rober Tunai Show e o humor na TVG, a cargo de Marta Pérez Pereiro; os usos da música no PPdeG e no BNG da man de Alicia Pajón, ou unha revisión do legado de Castelao realizado por Antom Santos e David Rodríguez.
A publicación pretende abordar cuestións como "o que é que entendemos por produção intelectual? Que instâncias é que produzem os quadros interpretativos hegemónicos sobre a realidade galega? Onde é que podemos localizar os grandes dispositivos de produção intelectual da direita espanhola na Galiza? E da esquerda espanhola na Galiza?".
Entrevistas a María Xosé Bravo e Maite Ferreiro sobre o municipalismo galego, o Xacobeo e o seu papel na hexemonía cultural española ou unha reivindicación de Ramón López-Suevos fan tamén parte dos contidos. O Centro Cultural Río Lagares acolle este 21 de xaneiro a primeira presentación da nova entrega.
O Espaço Clara Corbelhe, "um projeto multidisciplinar de investigação, produção e difusão de pensamento crítico galego" sen ánimo de lucro é responsable da publicación.
