Do bater das ás dos anxos da garda arredor caen pingas de sensibilidade e intelixencia, que ao chegar a nós transfórmanse na literatura de Anxos Sumai nos seus “Anxos... de garda”, os diarios vividos, pensados e sentidos de alguén que vive nestes tempos e sabe contalo. A escritora repasa os sete días da semana coa súa linguaxe e coa base da súa experiencia neles. Un exercicio de literatura viva que comparte cos seus numerosos lectores. E ademais de ler estes artigos a fin de semana tamén che propomos que escribas algo, e que o fagas nos recadros do encrucillado ate encher e resolver este intelixente pasatempo.