Outra semana máis volveu a escritora Anxos Sumai encher a páxina en branco tendendo unha ponte que a conecta con milleiros de lectores. Anxos... de garda acode á súa cita coa literatura do vivido. Sete días para sete experiencias, reflexións, sensacións, desexos ou inquedanzas. Sete anacos de humanidade que se fan tanxibles en cada palabra. E o mundo das palabras exactas e o que tamén domina Paulino Novo o lingüista que fai do pasatempo unha arte deseñando estes encrucillados que cada fin de semana propomos para evadir a mente un pouco e exercitar a materia gris.