A arte de ida e volta

O exilio fixo que numerosos artistas galegos se viran forzados a teren que marchar do seu país. A moitos deles o golpe de Estado colleunos en plena madurez creativa, así que foron autores dunha obra inxente no estranxeiro que só en parte retornou a Galicia. Para abordar esta cuestión do retorno, do encaixe e do futuro da presenza dos artistas do exilio no panorama cultural galego o Consello da Cultura Galega organiza mañá 25 de outubro a xornada "Musealizar a arte do exilio galego". Coordinada por Inmaculada Real, o programa contará coa participación de representantes dos museos e fundacións monográficas dedicadas a figuras como Luís Seoane, Laxeiro ou Eugenio Granell, ao papel das galerías na introdución destas figuras ou á presenza da arte do exilio en coleccións máis amplas como a colección ABANCA, o Museo de Belas Artes da Coruña, o Museo de Pontevedra ou o Museo Francisco Fernández del Riego.A inscrición á xornada é gratuíta e pódese seguir de balde por Internet.