Falece o pintor Xusto Moreda

Este sábado 30 de xullo falecía no seu Ribadeo natal o pintor Xusto Moreda aos 87 anos de idade. Amplamente coñecido nos círculos culturais galegos, Moreda desenvolveu ao longo da súa vida unha intensa actividade creativa nun estilo que vencellaba o expresionismo figurativo co surrealismo e o fauvismo e no que destacaron os retratos de mulleres e as paisaxes.

O autor colaborou ao longo da súa vida con moitos dos nomes das nosas letras, que crearon textos a partir das súas obras. Darío Xohán Cabana, Manuel Lourenzo, Xesús Pisón, Antón Avilés de Taramancos, Miguel Anxo Fernán-Vello, Xavier Rodríguez Baixeras, Mato Fondo ou García-Bodaño foron algúns dos que participaron destes intercambios.

Moreda ademais chegou a rexer unha galería de arte na Coruña e desenvolveu un grande número de exposición por todo o país.