O Consello da Cultura publicou hoxe no seu web unha nova entrega de Voces centenarias, o formato co que pon en valor recursos depositados no Arquivo Sonoro de Galicia. Desta volta, seleccionáronse tres audios de Álvaro Cunqueiro, un dos grandes literatos galegos do século XX. Na conferencia "Las estruturas del mundo mágico gallego", impartida en Bos Aires en 1967, Cunqueiro explica moitos dos elementos máxicos de Galicia, como as cidades mergulladas, os tesouros ou os soños. Nunha entrevista con RNE en 1968, recita os seus poemas e ofrécenos as claves da súa poesía. E nunha conferencia tamén do fondo de RNE e da segunda metade dos anos 60, ofrece un percorrido pola historia das xentes do Camiño de Santiago.
Cando Cunqueiro explicaba a cociña do imaxinario galego
O CCG sube tres novos audios do escritor mindoniense
