A reportaxe 'Costa inundable' sobre o cambio climático e o seu impacto na subida de nivel do mar, valeulle á xornalista da Televisión de Galicia Teresa Abuín Tubío (Rianxo, 1970) o Premio de Xornalismo Científico Celia Brañas 2022, convocado pola Real Academia Galega de Ciencias e a Xunta de Galicia. A peza foi emitida en xaneiro pola CRTVG no programa de actualidade 'Vivir Aquí'. Na súa acta de resolución desta sétima edición do galardón o xurado gaba da reportaxe "a súa boa planificación para abordar desde Galicia un tema global como é o cambio climático e o seu impacto na subida do nivel do mar". Tamén apunta "un tratamento exento de catastrofismo, con ampla riqueza de fontes e dotado dun bo hábitat sonoro que proporciona significado e sentido á narrativa audiovisual".
Licenciada en Xornalismo pola Universidade Complutense de Madrid, Teresa Abuín leva 27 anos traballando na TVG, en programas como 'Galicia Enteira', 'Alalá', 'No bico un cantar' e 'Vivir Aquí'. Con anterioridade traballou en Antena 3 Radio en Madrid, na Asociación de Periodistas de Información Económica (APIE), na delegación de Santiago de La Voz de Galicia e na Produtora Olympus Comunicación. O premio ten unha dotación de 3.000 euros e entregarase o vindeiro 15 de xuño no Pazo de San Roque de Santiago de Compostela. O accésit do certame, foi para unha reportaxe sobre a ameaza de macrogranxas na Limia da xornalista Mar Álvarez (Santiago, 1999), publicada en Nós Diario. O xurado valorou que "é unha peza xornalística que aborda un tema de actualidade que afecta a Galicia, achegando diversidade de fontes e con certo alarde fotográfico e narrativo". A galardoada recibirá unha dotación de 1.000 euros.
Licenciada en Xornalismo pola Universidade Complutense de Madrid, Teresa Abuín leva 27 anos traballando na TVG, en programas como 'Galicia Enteira', 'Alalá', 'No bico un cantar' e 'Vivir Aquí'. Con anterioridade traballou en Antena 3 Radio en Madrid, na Asociación de Periodistas de Información Económica (APIE), na delegación de Santiago de La Voz de Galicia e na Produtora Olympus Comunicación. O premio ten unha dotación de 3.000 euros e entregarase o vindeiro 15 de xuño no Pazo de San Roque de Santiago de Compostela. O accésit do certame, foi para unha reportaxe sobre a ameaza de macrogranxas na Limia da xornalista Mar Álvarez (Santiago, 1999), publicada en Nós Diario. O xurado valorou que "é unha peza xornalística que aborda un tema de actualidade que afecta a Galicia, achegando diversidade de fontes e con certo alarde fotográfico e narrativo". A galardoada recibirá unha dotación de 1.000 euros.