O escritor ferrolán Alberte Momán gaña o certame de narrativa erótica de Edicións Positivas

O libro de relatos "O lobo da xente", do escritor Alberte Momán gañou o premio de narrativa erótica convocado por Edicións Positivas. O autor, natural de Ferrol, leva case dez anos interesado activamente no mundo da literatura, tempo en que colaborou con boletíns de poesía e escribiu relatos en libros ideados por "La Voz de Galicia" e a pequena editora de Ortigueira O Paporroibo. O xurado valorou a calidade literaria do conxunto de relatos como o principal valor do dito libro; así como a variedade de ambientes, de situacións e de personaxes. O erotismo dos textos serve como desculpa para falar das distintas condicións humanas.