Os XVIII Premios Frei Martín Sarmiento dan a coñecer os seus gañadores

O alumnado das escolas católicas galegas escolle os libros que reciben estes galardóns

O alumnado das escolas católicas galegas escolle os libros que reciben estes galardóns
Galardóns dos premios Frei Martín Sarmiento.
A sede do Museo Pedagóxico de Galicia acollía este trece de maio o acto de entrega dos XVIII Premios Literarios Frei Martín Sarmiento. Os galardóns que outorga anualmente o alumnado das escolas católicas galegas recoñeceron nesta ocasión a obras Luces sobre a ría de Roberto A. Rodrigues, publicado por Urco Editora, na categoría de Bacharelato e adultos.

O alumnado de 3º e 4º da ESO seleccionou Como lágrimas na chuvia, de Jordi Sierra i Fabra na súa edición de Galaxia, como obra predilecta, mentres os dous cursos anteriores preferiron O couso, de David Walliams para o galardón. O Plan de rescate de Antía Yáñez impúxose en 5º e 6º de primaria e Patio de luces de Erika Esmorís en 3º e 4º. Entre os dous primeiros cursos do ciclo Mortiña de Bárbara Cantini foi o predilecto, mentres no Ensino Infantil a selección decantouse por Como se di, de Lawrence Schimell e Thiago Lopes.

Por editoras, Xerais acumulou dous galardóns, mentres Sushi Books, Hércules de Edicións, Galaxia e Urco levaron un. Preto de 3.000 membros do alumnado do país participou no proceso de selección a partir dunha serie de finalistas escolleito polo seu profesorado.