Quiosco: Fol de Veleno 10

Cando se cumpre unha década do seu nacemento, a Sociedade Antropolóxica Galega presenta ao público o número dez do seu anuario, correspondente a 2021. A publicación recolle artigos sobre cuestións como a reinterpretación do mito da Vella a cargo de Rafael Quintía, o patrimonio inmaterial e material de Salcedo, da man de José Victorio Moure, ou unha análise da pegada da Idade Media na historia oral da Pobra do Brollón realizada por Xurxo Ayán.

A análise dunha posible sauna galaica en Coutodá, as divindades do santuario galaico-romano de Panóias, os ritos de inverno e de Entroido de Toledo ou repasos polo Mosteiro de Trandeiras e o Castro de Cotarelo (Lalín) son outros contidos que fan parte da entrega.