Esta fórmula de apoio supón, ademais, unha novidade no panorama audiovisual español ao optar pola concesión directa para a realización de rodaxes no canto de empregar incentivos fiscais. Con esta liña de axudas se pretende aumentar a capacidade competitiva das empresas culturais galegas e incentivar a creación de traballos sustentables que integren a totalidade da cadea de valor desta industria. O conselleiro de Cultura, Educación e Universidade, Román RodrÃguez, adiantou onte as estimacións de resultados de retorno económico da que foi a primeira quenda de axudas desta liña, que serviu para apoiar catro producións a través do fondo para a atracción rodaxes. Segundo os datos avanzados polo representante polÃtico a partir dun estudo encargado á Universidade de Santiago de Compostela, estas catro producións van xerar un impacto económico total (directo máis indirecto) en Galicia de máis de 15 millóns de euros. Trátase da primeira estimación sobre a filmación na nosa Comunidade da longametraxe '13 Exorcismos', de Bambú Producciones, e das series 'Rapa' e 'Argonautas', de Portocabo, e 'Hasta el cielo', de Vaca Films. O investimento público neste caso se situou en 1,3 millóns de euros. A capacidade de emprego das catro rodaxes, que se sitúa nas 230 contratacións en termos equivalentes anuais, é outro dos datos destacados deste primeiro balance, que Román RodrÃguez avanzou. Este traballo é froito da colaboración entre dous equipos da propia USC: o Grupo de análise e modelización económica (GAME) e o de persoas, organizacións sostibles e márketing (POSMARK), baixo dirección de Melchor Fernández e Jesús Pereira.
