O audiovisual galego feito na nosa lingua está a traer boas novas desde a outra beira do Atlántico. No Festival Internacional de Cine Iberoamericano de Caracas o filme '9 Fugas' (2020) de Fon Cortizo acada tres importantes premios e o documental 'A Virxe Roxa'(2021) de Marcos Nine tamén consegue levar o galardón do seu xénero. León de Ouro ao Mellor filme do certame, Mellor longametraxe iberoamericana e Mellor dirección son os galardóns cos que a pelÃcula de Fon Cortizo sae desta cita venezolana. '9 Fugas', gravada en galego, parte da banda sonora creada por una orquestra de improvisación dirixida da que xurdiron a historia e as imaxes. O filme estrutúrase en 9 capÃtulos que son vasos comunicantes a través de que flúe un relato. Nestes capÃtulos temas como a memoria, o tempo e a opresión van entrelazándose compoñendo un relato que busca enganchar nunha tea de araña de historias. En 9 fugas Cortizo conta no reparto con Areta Bolado, Ailén Kendelman, Olga Cameselle, MarÃa Roja, Lola Quirós, Alfredo RodrÃguez, Noelia Castro e Marta Pérez.
Co premio á mellor longametraxe documental volve de Caracas Marcos Nine. No filme documental 'A Virxe roxa' (Recrea Films) Nine recolle un episodio real da Historia, o caso de Aurora RodrÃguez, feminista que en 1933 mata a tiros á súa propia filla Hildegart, de dezaoito anos, a quen preparara previamente para ser un sÃmbolo da liberación feminina coma ferramenta das súas propias ideas. A pelÃcula é unha das finalistas ao premio Mestre Mateo deste ano a mellor documental.
Outra das cintas finalistas desta edición dos Premios Mestre Mateo ven de recoller tamén un recoñecemento noutra cita latinoamericana. 'Jacinto', a ópera prima de Javi Camiño protagonizada polo tristemente desaparecido Pedro Brandariz, acadou o favor do xurado no certame internacional de xénero, Panamá Horror Film Fest- Festival de Cine y Cultura de Terror de Panamá. A cinta volve do paÃs centroamericano co premio á mellor pelÃcula de horror do festival, que aumenta o seu palmarés internacional.
