As dúas vilas con maior presencia sefardí de Galicia, Ribadavia e Monforte, continúan os seus esforzos por manter vivo o seu pasado, e deste xeito participan na cuarta edición da Xornada Europea de Cultura Sefardí. Este encontro, que se celebra o vindeiro domingo de xeito simultáneo en cidades de toda Europa con pegada hebraica, consiste nas vilas galegas en senllas visitas guiadas en que se coñece o patrimonio xudeu aínda conservado. Ademais, en Ribadavia, e xa durante a tarde, haberá unha xornada de portas abertas no Centro de Interpretación e Información Xudía.
Máis información en La Voz de Galicia e no web da Rede de Xuderías
