"Unha cesta de Nadal con jazz, comedia, canto tradicional, a palabra verdadeira do teatro, música teatral, arias de ópera, a conciencia critica, a lembranza emocionada, a danza, o sabor da cultura popular, un pouco de historia e uns petiscos de vangarda". Así presenta a Federación Galiza Cultura A vida nunha cesta. Un agasallo para Manuel Lourenzo, a homenaxe que artellou para o recoñecido dramaturgo e que se celebra este 19 de decembro no Teatro Rosalía de Castro da Coruña a partir das 19 horas.
Monica de Nut e Virxilio da Silva, Mofa e Befa, Bernardo Martínez e Fito Ares, Quico Cadaval, a danza da Cia. Ana Beatriz Pérez e Armando Martén, Luisa Merelas, e as palabras certas de Cristina Domínguez e Xesús Pisón farán parte desta celebración, que pretende "reunir as persoas que queren e admiran ao autor do Valadouro, así como ofrecerlle un agasallo", segundo sinala Galiza Cultura, que salienta a importancia fundamental de Lourenzo na configuración do teatro galego contemporáneo, co seu traballo como autor e coa súa participación de proxectos como a Escola Dramática Galega, O Facho, Casahamlet ou Teatro Circo.
Ademais da Federación, que conta co apoio da Deputación da Coruña e do Concello para esta celebración, tamén a Asociación de Escritoras e Escritores en Lingua Galega se sumou á celebración. Segundo explica esta entidade Lourenzo é "o dramaturgo máis prolífico da historia do teatro galego, con máis de trescentas pezas de diferentes formatos, xéneros e estilos" que compoñen unha obra que constitúe "en si mesma, unha institución teatral de grande robustez e flexibilidade para atravesar os tempos e as modas. Nela conviven os mitos coas pequenas grandes historias do presente. Nelas entra o máis terrible e o máis marabilloso da condición humana". Ademais, a entidade destaca que "grazas a Lourenzo, desde mediados dos anos 60 até a actualidade, a praza pública do teatro, esa asemblea que se pensa xogando nos escenarios, nunca estivo baleira nin ficou pobre ou encollida".
Ademais da Federación, que conta co apoio da Deputación da Coruña e do Concello para esta celebración, tamén a Asociación de Escritoras e Escritores en Lingua Galega se sumou á celebración. Segundo explica esta entidade Lourenzo é "o dramaturgo máis prolífico da historia do teatro galego, con máis de trescentas pezas de diferentes formatos, xéneros e estilos" que compoñen unha obra que constitúe "en si mesma, unha institución teatral de grande robustez e flexibilidade para atravesar os tempos e as modas. Nela conviven os mitos coas pequenas grandes historias do presente. Nelas entra o máis terrible e o máis marabilloso da condición humana". Ademais, a entidade destaca que "grazas a Lourenzo, desde mediados dos anos 60 até a actualidade, a praza pública do teatro, esa asemblea que se pensa xogando nos escenarios, nunca estivo baleira nin ficou pobre ou encollida".
