O Teatro Helena Sá e Costa de Porto acolle na tarde deste 30 de novembro a primeira función da segunda xeira do proxecto Dramaturxias itinerantes/Dramaturgias itinerantes. O Consello da Cultura Galega, o Instituto Camões, a Escola Superior de Arte Dramática de Galicia e, como novidade, a Escola Superior de Música e Artes do Espetáculo (ESMAE) coordinan este ciclo que quere visibilizar a escrita teatral máis contemporánea de Galicia e de Portugal.
Nesta xeira lévanse a escena textos da portuenseRita Pinheiro e de Laura Porto, nada en Covelo. Camaleoa. Do corpo a manifesto é o título da montaxe que abre o programa. Pinheiro leva a escena a proposta que fala "da adaptación do corpo, como espazo para se camuflar, mediante o ambiente onde se encontra ou o seu estado emocional".
Laura Porto, pola súa banda, achega Reino da extinción con Ainara Dalmau, Laura García, Dani Lago e Uxía Ocaña sobre as táboas. O encontro de catro personaxes de diferentes épocas da historia galega no Alén enfróntanse a un enigma e debe reflexionar sobre "a súa idea do que significa ser galegas, vivir en Galicia e falar galego".
A función do Porto será ás sete da tarde, hora local, e a segunda das montaxes poderá verse o vindeiro xoves 2 de decembro na sede da ESAD en Vigo ás 17 horas. Os textos escolleitos pódense consultar en forma de publicación no web do CCG.
Laura Porto, pola súa banda, achega Reino da extinción con Ainara Dalmau, Laura García, Dani Lago e Uxía Ocaña sobre as táboas. O encontro de catro personaxes de diferentes épocas da historia galega no Alén enfróntanse a un enigma e debe reflexionar sobre "a súa idea do que significa ser galegas, vivir en Galicia e falar galego".
A función do Porto será ás sete da tarde, hora local, e a segunda das montaxes poderá verse o vindeiro xoves 2 de decembro na sede da ESAD en Vigo ás 17 horas. Os textos escolleitos pódense consultar en forma de publicación no web do CCG.
