Luis Tosar e Celso Bugallo son finalistas dos Premios Goya

As interpretacións de Luis Tosar en 'Maixabel' (Icíar Bollaín) e de Celso Bugallo en 'El buen patrón' (Fernando León) foron recoñecidas polos membros da Academia das Artes e as Ciencias Cinematográficas de España colocando aos actores galegos como finalistas aos premios Goya a Mellor Actor Protagonista ( Tosar) e Mellor actor de Reparto (Bugallo). Os intérpretes repiten así as súas candidaturas finalistas dos Premios Feroz, outorgados pola Asociación de Informadores Cinematográficos de España. O ourensán Chechu Salgado tamén está na quiniela de finalistas como mellor actor revelación polo seu traballoo en 'Las leyes de la frontera'.

Os premios Goya entregaranse en Valencia o vindeiro 12 de febreiro de 2022. Nesta 35ª edición dos premios inclúense tamén entre os finalistas a candidatura a mellor loongametraxe de animación de 'Valentina', de Chelo Loureiro e producida por Abano producións e outras dúas candidaturas para a longametraxe "Tres", co-producida por Frida Films, que opta aos premios a mellor guión orixinal e mellor son. A película está presente tamén nos Feroz con tres candidaturas a mellor película dramática, mellor actriz protagonista (Marta Nieto) e mellor guión para Juanjo Giménez e Pere Altimira. Dentro dos Premios Feroz, ademais dos mencionados Tosar e Bugallo, está tamén entre as finalistas a actriz María Pujalte, pola súa interpretación na serie 'Venga Juan'. Ademais a serie 'Hierro', de Portocabo e creada por Pepe Coira tamén opta a tres galardóns nestes Premios Feroz polas súas interpretacións protagonistas (Candela Peña e Darío Grandinetti) e como mellor serie dramática. Estes galardóns entregaránse o 29 de xaneiro de 2022 no Auditorio de Zaragoza.