En abril dabamos conta do remate dos primeiros traballos de recuperación do xacemento de O Castrillón, no concello ourensán de Larouco. Onte a ConsellerÃa de Cultura, promotora dos traballos, deu conta dun excepcional achado no interior dunha cabana da que se iniciara a escavación na anterior campaña. No solo desta estrutura rectangular de 30 metros cadrados localizaron un depósito votivo escavado na rocha. Tratábase dunha ola propia das últimas fases da Idade do Ferro que fora intencionalmente pechada cunha lousa e escavada no solo. Segundo o arqueólogo Martiño X. Vázquez, director da intervención, "falamos de depósito votivo porque a ola que recuperamos foi enterrada intencionadamente baixo o pavimento da cabana que a ocultaba. A dÃa de hoxe mantemos abertas dúas posibilidades. Un depósito fundacional con alimentos a modo de banquete festivo ou un enterramento infantil. Malia a non ser un fenómeno habitual no mundo dos castros si existen varias referencias que poden orientarnos en ambas direccións". Os arqueólogos recolleron material orgánico abondo como para realizar varios tipos de analÃticas que nos vindeiros meses permitirán abondar nesta hipótese. En culturagalega.gal podes coñecer máis sobre o Castrillón de Larouco na reportaxe asociada a esta nova.
Localizan un posible enterramento infantil ritual no Castrillón de Larouco
Os arqueólogos atopan un depósito votivo de finais da Idade do Ferro no interior dunha cabana
