A VI Xornada da Sección de Literatura Dramática "Artes escénicas e comunidade en tempo de distancias", organizada pola AELG pon o foco nun dos aspectos imprescindibles para que a danza e o teatro poidan existir: a comunidade, a co-presenza. Desde a organización da asociación de escritores sinalan á comunidade como "propia esencia da humanidade" e máis relevante que nunca tras os sucesos pandémicos de afastamento social. O encontro quere reflexionar sobre a importancia do papel das artes escénicas para xerar comunidade, para manter vínculos ao crear un sentimento de pertenza, a través do xogo que os espectáculos propoñen.
Na xornada indagarase en como os textos destinados á dramaturxia e en como as artes escénicas fan de antídoto contra a distancia social, a través do programa, que inclúe a aula maxistral "Festivais e teatros en tempos de distancias sanitarias" a cargo de Gonçalo Amorim, director artístico do FITEI, Festival Internacional de Teatro de Expressão Ibérica (Portugal) e director teatral do TEP (Teatro Experimental do Porto). O encontro, que terá lugar o 20 de novembro de 2021 no Fórum Metropolitano da Coruña, inclúe o IV Festival Pezas dun teatro do porvir, Galiza + Portugal. Procesos abertos de escrita dramática.
Na xornada indagarase en como os textos destinados á dramaturxia e en como as artes escénicas fan de antídoto contra a distancia social, a través do programa, que inclúe a aula maxistral "Festivais e teatros en tempos de distancias sanitarias" a cargo de Gonçalo Amorim, director artístico do FITEI, Festival Internacional de Teatro de Expressão Ibérica (Portugal) e director teatral do TEP (Teatro Experimental do Porto). O encontro, que terá lugar o 20 de novembro de 2021 no Fórum Metropolitano da Coruña, inclúe o IV Festival Pezas dun teatro do porvir, Galiza + Portugal. Procesos abertos de escrita dramática.
