A Consellería de Cultura anunciou o pasado venres que investirá novecentos mil euros para recuperar as cubertas, claustros e elementos significativos de varias igrexas e mosteiros. Conxuntos tan importantes coma o de Santo Estevo de Ribas de Sil, Oseira e Carboeiro beneficiaranse desta partida. Mentres, en Compostela, a recuperación da fortaleza da Rocha podería paralizarse se non se consigue o apoio das administracións para continuar a escavación e as intervencións previstas no conxunto. Os arqueólogos encargados da investigación presentarán en setembro un informe á Xunta cos resultados dos traballos realizados ata o momento.
Máis información en El Correo Gallego sobre a recuperación de mosteiros; sobre as escavacións da Rocha
