O Teatro RosalÃa de Castro, na Coruña, acolle a partir das 20:30 horas deste 10 de novembro unha edición especial do Memorial Ibán Toxeiro. O encontro que a Agrupación Cultural Alexandre Bóveda dedica ao seu traballo escénico cada ano, lembra nesta vixésima cuarta edición a Lino Braxe. O actor e dramaturgo falecido en decembro 2020 era un activo membro deste colectivo. Na gala, poderá verse por vez primeira a súa última obra,
O real coronavirus, a cargo do Grupo de Teatro da Agrupación baixo a dirección de Manuela Varela.
Varela dirixe tamén o conxunto da gala, na que se lle fará entrega do Premio de Honra da AC Alexandre Bóveda á familia do falecido en recoñecemento ao seu labor. Ademais, haberá unha lectura de poemas do autor e proxectarase un vÃdeo no que se lle pode ver a interpretar unha versión musicada de
Negra sombra. Outras proxeccións audiovisuais repasarán o seu traballo como actor e no campo das artes plásticas. Pola súa banda, a compañÃa Bucanero Teatro recupera para a ocasión unha peza escrita polo homenaxeado.
