Un espazo para que os selos musicais independentes galegos poidan xuntarse e que sirva de escaparate das iniciativas existentes, ese é o obxectivo da nova iniciativa Diske Disco. A A.C. DistanT Sounds da Coruña organiza esta feira discográfica na Fundación Luís Seoane a vindeira fin de semana (23 e 24 de outubro), reunindo artistas e representantes de case unha decena de pequenas discográficas que ofrecerán desde pequenas actuacións ata charlas e debates.
Diske Disco nace con afán de continuidade para ofrecer un foro de encontro do que tamén poidan xurdir alianzas, proxectos ideas e redes de apoio profesional para sacar adiante a complicada labor de editar música actualmente. Esta primeira edición contará coa participación de varios seles autoxestionados, algúns dos cales levan a cabo unha intensa actividade editorial sacando adiante traballos dalgúns dos artistas máis destacados da escena alternativa. Na Fundación Seoane estarán os selos Ferror Records, La Familia Revolucion, Uterzine, Sounds Like Sunday, Radix Records, Tú Al Monte Yo Al Mar, CGTH, Pim Pam Records, El Beasto e Freeky Dicky, segundo informa Solofolar. Con eles algúns dos seus artistas a través de sesións Dj ou peqenos cocnertos no programa.
