O Play-Doc incrementa a súa aposta internacional

A organización do Play-Doc, o Festival Internacional de Cine de Tui, presentaba este 20 de setembro a súa XVII edición. O programa desenvolverase entre o 22 e o 26 deste mes cunha forte aposta polos contidos internacionais e coas retrospectivas de Manfred Kirchheimer e Bette Gordon, que participará no evento, como pratos fortes.

Na sección internacional de longametraxes competirán Big in China. Gorges and the Vision Machines última película do franco-canadiense Domininc Gangon que se estrea no evento, canda a Disturbed Earth de Kumjana Novakova e Guillermo Carreras, e Dal pianeta delgli umani, do realizador italiano Giovanni Cioni como estreas estatais. No mesmo apartado poderán verse No táxi do Jack, da portuguesa Susana Nobre, e Esquirlas, da arxentina Natalia Garayalde.

En canto ás curtas, entran en competición Fruto do vosso ventre, estrea internacional do portugués Fabio Silva, Baki Tadú É de Kate Saragaço-Gomes e Calum MacBeath Morgan, Paraíso, das españolas Maddi Barber e Marina Lameiro, Vagalumes, dirixida por Léo Bittencourt, Zu Dritt, de Agnese Làposi e Benjamin Bücher, e a española Revelaciones, de Juan Soto Taborda.

En canto á presenza galega o evento conta con dez títulos a competición. Memorias de ultramar, de Carmen Bellas; El viaje, 1988, de Claudia Pineda; Parolar cun eu, de Xisela Franco; Negro púrpura, de Sabela Iglesias e Adriana. P Villanueva; Camille & Ulysee, de Diana Toucedo; Tierra de leche y miel, de Héctor Vigueira; Augas abisais, de Xacio Baño; Os corpos, de Eloy Domínguez Serén; Tengan cuidado ahí fuera, de Alberto Gracia; A comuñón da miña prima Andrea, de Brandán Cerviño; e Persoa, pobo, paisaxe, de Daniel Pérez Silva.

Fóra de concurso poderá verse o documental No somos nada, do director peruano Javier Corcuera, sobre a banda La Polla Records e o seu vocalista, o tudense Evaristo Páramos. Tamén se homenaxeará Unha homenaxe ao falecido guionista Daniel Domínguez, coa proxección dun filme que rodou en Tui en 1986. O apartado Coming Soon, pola súa banda, permitirá coñecer de primeira man os traballos en marcha de Marta Pérez Pereiro, Zeltia Outeiriño, Area Erina e Carlos M Peñalver.

O aspecto musical do evento correrá a cargo dos recitais de Domenico Lancellotti e Blurry the Explorer, que estarán acompañados das creacións audiovisuais de Sr Pause. De xeito paralelo ás actividades presenciais, o evento contará cunha canle na plataforma Filmin na que se poderán ver as retrospectivas que o festival lle dedica a Manfred Kirchheimer, Bette Gordon y Kidlat Tahimik.

Ao igual que na anterior edición, o programa inclúe un percorrido nocturno pola vila a coñecer as videoinstalacións desenvolvidas por seis recoñecidos vídeo artistas a partir de filmacións domésticas realizadas pola veciñanza de Tui nas décadas dos 60, 70 e 80. Un obradoiro a cargo de Eloy Domínguez, outro sobre live cinema a cargo de Gnomalab e tres mesas tres mesas online dedicadas á curadoría, á formación e á crítica cinematográfica son outras das propostas do festival.