Entre os nomes que paraticiparán no evento, destaca o dun galego, Das Pastoras, que amosará os orixinais do seu flamante traballo Hércules 1417, que conta con guión de Pedro Villora. Canda a el, poderá verse a adaptación de Dune á BD que realizaron Raúl Allén e Patricia MartÃn, mentres Pepe Larraz achegará os superheroes que realiza para a editorial Marvel en Estados Unidos.
Pola súa banda, dous pesos pesados do panorama estatal, os multipremiados Javier Olivares e Santiago GarcÃa protagonizarán unha exposición no Kiosko Afonso con orixinais das súas obras La Cólera e mais Las Meninas, coa que obtiveron o Premio Nacional do Cómic de España en 2015. Núria Tamarit, autora do recoñecido Avery's Blues, Jaime MartÃn, coa súa triloxÃa sobre a recente historia de España, e mais Tyto Alba, coñecido pola súas biografÃa en banda deseñada de autores como Casagemas, Picasso, Fellini, Balthus ou Whitman estarán tamén presentes no evento.
Outra protagonista do festival será Teresa Valero, nominada aos premios Eisner 2021 con Contrapaso e autora do cartel desta xeira. Do noso paÃs chega o dúo formado por Fernando Llor e Miguel Porto, que continúan no evento os recoñecementos á súa obra Subnormal, dedicada ao acoso escolar.
Canda ás exposicións de todos os nomes convidados, tamén se poderán ver mostras dos premios Castelao de Banda Deseñada 2020. Deste xeito, a Sala Salvador de Madariaga acollerá Adeus amigos, de Begoña GarcÃa-Alén e As aventuras de Passer P. Malta, de Andrés Magán. A Torre de Hércules acollerá tamén unha mostra que compila todos os carteis que tivo o Salón ao longo da súa historia.
Como é habitual, haberá encontros con autores e autoras e sesións de sinaturas, asà como o mercado dedicado á banda deseñada nos xardÃns de Méndez Núñez. Despois do remate das actividades, as exposicións permanecerán abertas ata o vindeiro 5 de setembro. A organización adiantou que todas as actividades se desenvolverán de acordo aos protocolos sanitarios vixentes no nomento da celebración.
