Logo da inauguración institucional na mañá do 14 de xullo, ás 16 horas abre as súas portas na Cidade da Cultura Galicia Futura. A terceira das grandes exposicións programadas pola Xunta con ocasión do Xacobeo 2021-22 convida a imaxinar como evoluirá o noso país nos vindeiros anos. Comisariada por Deborah García Bello e Miguel Ángel Cajigal Vera coñecidos nas plataformas dixitais como @deborahciencia e @elbarroquista, "a mostra toma o pulso do presente para propoñer un percorrido por fitos e ideas innovadoras que xa están a marcar os vieiros do porvir da nosa comunidade en diferentes campos. Explora así un futuro desexado e posible, partindo do traballo que están a desenvolver a día de hoxe diferentes profesionais e grupos de vangarda". A exposición poderá verse ata o 9 de xaneiro de 2022.
Ademais, o proxecto "afonda tamén no noso pasado para identificar comportamentos e procesos que constrúen o futuro, poñendo o acento nunha escolma de pezas destacadas que representaron no seu momento un pulo decidido cara ao futuro en diversos eidos". O conselleiro de Cultura, Román Rodríguez, pola súa banda, apuntou que a mostra quere funcionar "como unha plataforma para dar a coñecer canto de innovación se está facer en Galicia", pero tamén como un "elemento reactivador do sector cultural". Nese sentido, a Consellaría investiu 200.000 euros para o desenvolvemento de vinte proxectos creativos específicos para o proxecto. Ademais, o proxecto supón, segundo el, "unha innovación en canto a contidos e formato, unha ampliación do que estaba a acoller ata agora o Museo Centro Gaiás, reunindo unha escolma artística de enorme calidade, pero colocando tamén a ciencia e a tecnoloxía nun lugar protagonista", a apostar polo diálogo entre disciplinas.
A comisaria Déborah García apuntou a intención do proxecto de "facer visible como as conexións entre os diferentes campos do saber nos permiten comprender a súa progresión e como a creatividade -inherente ao eido das artes pero tamén ao científico e tecnolóxico- unida ao talento e ao esforzo se traduce en pulos cara ao futuro en diferentes momentos da Historia". Miguel Ángel Cajigal destacou pola súa banda en que a mostra "convidará ás persoas visitantes a unha viaxe na procura das claves e estratexias que están a configurar o porvir de Galicia xa desde o momento presente, preguntándonos como queremos que sexa o futuro de Galicia sabendo que é case máis importante o camiño que nos leva a este futuro que o destino en si mesmo".
Na listaxe de nomes que desenvolveron obras de xeito específico para o proxecto, a Xunta apunta "Oliver Laxe, a catedrática en telecomunicación Edita de Lorenzo, a cantante e compositora Wöyza, a chef distinguida cunha Estrela Michelin Lucía Freitas ou o director do Instituto Galego de Física de Altas Enerxías Carlos Salgado. Desde o ámbito científico, o comité asesor da exposición conta tamén coa médica e investigadora, coordinadora do Grupo Cellcom do Instituto de Investigación Biomédica da Coruña, María D. Mayán, e co catedrático de Química da Universidade da Coruña, Moisés Canle.
O catedrático de Historia Contemporánea da USC, Xosé Manuel Núñez Seixas; a profesora de Economía da mesma universidade, María Loureiro; o comisario e director da Fundación Didac, David Barro; o arquitecto Carlos Quintáns, a deseñadora Nuria Carballo ou a profesora de secundaria Marisa Calderón participan tamén neste proxecto, que conta ademais con profesionais máis vinculados ao mundo empresarial, de ámbitos como o tecnolóxico, agroalimentario, turístico ou do deseño.
Neste sentido, completan a listaxe de asesores nomes como os da deseñadora de proxectos en Insólito Diseño + Producto, María García Alén; o xerente da adega Vía Romana, Juan Luis Méndez; o manager en IBM Quantum Cloud and Software, Ismael Faro; o CEO e fundador de Torusware, Guillermo López Taboada; a presidenta do Cluster de Empresarios de Galicia, Patricia García; ou o presidente do Cluster de Turismo de Galicia, Cesáreo González Pardal".
A exposición completa a triloxía de grandes exposicións que a Xunta promove por mor do Xacobeo 2020-21, logo de Galicia, un relato no mundo e Galicia, de Nós a nós.
Dosier completo de Galicia Futura.Ademais, o proxecto "afonda tamén no noso pasado para identificar comportamentos e procesos que constrúen o futuro, poñendo o acento nunha escolma de pezas destacadas que representaron no seu momento un pulo decidido cara ao futuro en diversos eidos". O conselleiro de Cultura, Román Rodríguez, pola súa banda, apuntou que a mostra quere funcionar "como unha plataforma para dar a coñecer canto de innovación se está facer en Galicia", pero tamén como un "elemento reactivador do sector cultural". Nese sentido, a Consellaría investiu 200.000 euros para o desenvolvemento de vinte proxectos creativos específicos para o proxecto. Ademais, o proxecto supón, segundo el, "unha innovación en canto a contidos e formato, unha ampliación do que estaba a acoller ata agora o Museo Centro Gaiás, reunindo unha escolma artística de enorme calidade, pero colocando tamén a ciencia e a tecnoloxía nun lugar protagonista", a apostar polo diálogo entre disciplinas.
A comisaria Déborah García apuntou a intención do proxecto de "facer visible como as conexións entre os diferentes campos do saber nos permiten comprender a súa progresión e como a creatividade -inherente ao eido das artes pero tamén ao científico e tecnolóxico- unida ao talento e ao esforzo se traduce en pulos cara ao futuro en diferentes momentos da Historia". Miguel Ángel Cajigal destacou pola súa banda en que a mostra "convidará ás persoas visitantes a unha viaxe na procura das claves e estratexias que están a configurar o porvir de Galicia xa desde o momento presente, preguntándonos como queremos que sexa o futuro de Galicia sabendo que é case máis importante o camiño que nos leva a este futuro que o destino en si mesmo".
Na listaxe de nomes que desenvolveron obras de xeito específico para o proxecto, a Xunta apunta "Oliver Laxe, a catedrática en telecomunicación Edita de Lorenzo, a cantante e compositora Wöyza, a chef distinguida cunha Estrela Michelin Lucía Freitas ou o director do Instituto Galego de Física de Altas Enerxías Carlos Salgado. Desde o ámbito científico, o comité asesor da exposición conta tamén coa médica e investigadora, coordinadora do Grupo Cellcom do Instituto de Investigación Biomédica da Coruña, María D. Mayán, e co catedrático de Química da Universidade da Coruña, Moisés Canle.
O catedrático de Historia Contemporánea da USC, Xosé Manuel Núñez Seixas; a profesora de Economía da mesma universidade, María Loureiro; o comisario e director da Fundación Didac, David Barro; o arquitecto Carlos Quintáns, a deseñadora Nuria Carballo ou a profesora de secundaria Marisa Calderón participan tamén neste proxecto, que conta ademais con profesionais máis vinculados ao mundo empresarial, de ámbitos como o tecnolóxico, agroalimentario, turístico ou do deseño.
Neste sentido, completan a listaxe de asesores nomes como os da deseñadora de proxectos en Insólito Diseño + Producto, María García Alén; o xerente da adega Vía Romana, Juan Luis Méndez; o manager en IBM Quantum Cloud and Software, Ismael Faro; o CEO e fundador de Torusware, Guillermo López Taboada; a presidenta do Cluster de Empresarios de Galicia, Patricia García; ou o presidente do Cluster de Turismo de Galicia, Cesáreo González Pardal".
A exposición completa a triloxía de grandes exposicións que a Xunta promove por mor do Xacobeo 2020-21, logo de Galicia, un relato no mundo e Galicia, de Nós a nós.
