Selo e postal conmemorativas de Lois Pereiro Deseño: Amanita Studio
As homenaxes que este ano están a promoverse desde Monforte sobre o autor Lois Pereiro (1958-1996) no 25 cabodano da súa desaparición manteñen o pulso cos meses. Tal e como informa o xornal El Progreso, o Ateneo Casino de Monforte encargou a Correos a realización dunha estampa especial sobre o poeta, personalizada cun deseño de Amanita Studio. Esta especial homenaxe dentro da campaña "25 anos con Lois Pereiro" materializase nunha tiraxe de selos e unha postal conmemorativa que inclúe un verso do poeta ao que a Real Academia Galega lle adicou en 2011 o Día das Letras Galegas. Desde o Ateneo Casino sinalaron ao xornal lugués que os actos de celebración de Pereiro non quedarán aquí e que en breve darán a coñecer novas actividades.
