Catorce pezas de Federico Rivas, Uxío Souto, Arturo Souto e Camilo Díaz, que ata o momento só se puideran ver en mostras temporais, acaban de se incorporar como unha nova sección permanente do Museo de Pontevedra. A nova instalación que o centro abre con estas obras foi organizada pola responsable de Coleccións Ángeles Tilve, e quere "facer un percorrido temático relacionando as obras co Álbum de Guerra de Castelao -xa exposto desde 1981- e tamén con outras pezas da planta terceira de artistas que estiveron no exilio interior -como Maside ou Torres-, doutros exiliados da pintura española ou artistas que non sendo exiliados si marcharon fóra e tiveron relación con estes amosando como viviron ese momento da historia".
Dos autores que se incorporan á exposición permanente, ligados ao galeguismo republicano, recóllense seis augadas do vigués Federico Rivas que amosan a represión na zona de Bueu. De Arturo Souto exponse un álbum de debuxos de guerra que publicara o Ministerio de Propaganda Republicano, mentres de Uxío Souto, ademais dalgunhas esculturas, estarán á vista do público dúas augadas que amosan a súa experiencia persoal ao final da contenda coa a fuxida polos Pirineos e a visión das e dos republicanos confinados no campo de refuxiados francés de Barcarés.
Dos autores que se incorporan á exposición permanente, ligados ao galeguismo republicano, recóllense seis augadas do vigués Federico Rivas que amosan a represión na zona de Bueu. De Arturo Souto exponse un álbum de debuxos de guerra que publicara o Ministerio de Propaganda Republicano, mentres de Uxío Souto, ademais dalgunhas esculturas, estarán á vista do público dúas augadas que amosan a súa experiencia persoal ao final da contenda coa a fuxida polos Pirineos e a visión das e dos republicanos confinados no campo de refuxiados francés de Barcarés.
