O Museo dos Naufraxios en Camariñas navega cara a bo porto

O agardado proxecto de creación dun Museo dos Naufraxios na Costa da Morta ven de dar outro paso cara a súa realidade. Tras da cesión por parte de Portos de Galicia do edificio da Lonxa vella de Camariñas ao Concello para tal uso, agora a Deputación da Coruña comprometeuse a financiar o proxecto para a transformación do antigo edificio, que actualmente está baleiro e en estado ruinoso, no recinto museístico que poida albergar e dar coñecer o a historia e e arqueoloxía subacuática da zona. O presidente da Deputación, Valentín González Formoso, reuniuse coa alcaldesa de Camariñas, Sandra Insua, para concretar a apoio da institución provincial a este ambicioso proxecto, que permitirá transformar o inmoble nun espazo expositivo de referencia para a comarca da Costa da Morte.

O proxecto contará cunha zona destinada a albergar conferencias ou cursos formativos dirixidos aos traballadores e traballadoras do sector do mar. A Costa da Morte, debe o seu nome á sucesión destas desgracias e polo tanto forman parte da súa identidade e dos seu patrimonio, malia o triste dos sucesos. En toda a comarca a historia, os lugares e os vestixios arqueolóxicos relacionados cos naufraxios nesta zona marítima forman parte hoxe en día do patrimonio tanto material coma inmaterial e son tamén un valor de promoción turística de primeira orde. A organización de visitas guiadas, itinerarios ou presentacións dramatizadas desta parte da súa historia e da cultura inmaterial da comarca coma é o caso das representacións da , está á orde do día e conta con cada vez máis interese, tanto por parte da poboación local coma un factor de atracción para os visitantes. O Museo dos Naufraxios é unha vella reivindicación da comarca durante décadas.