Desde hai catro anos a compañía Metátese Teatro organiza en Palas de Rei (Lugo) unha mostra de teatro afeccionado. E nese tempo conseguiu consolidarse como unha das máis importantes e a única na que participan compañías afeccionadas chegadas de fóra de Galicia. A IV Mostra de Teatro Amador de Palas de Rei-Teatro no Camiño comezará este sábado. E nela haberá unha homenaxe a Manuel Lourenzo, ao que lle entregarán o premio “Mácara”, como recoñecemento ao seu traballo a prol do teatro afeccionado.
