O volume parte da análise histórica e funcional do desenvolvemento agrario en tres casos concretos da comarca en LaÃño, Froxán e Baroña. Os usos dos montes, os procesos de expropiación e innovación e as posibles leccións que se poden tirar destes casos aparecen debullados polo miúdo na publicación. Ademais, abórdase a problemática e posibilidades dos montes comunais e preséntanse unha serie de experiencias que poden servir de exemplo para futuros desenvolvementos sustentables. As Brigadas Deseucaliptizadoras, o monte veciñal de Couso, o do Carballo en Friol, a SAT a Pementeira ou a empresa Bico de Xeado son as iniciativas recollidas.
A partir dos casos estudados, a obra repasa as caracterÃsticas que debe atender un proxecto no ámbito rural para garantir a súa sustentabilidade. A xestión comunitaria polos propios habitantes, o coidado do territorio, o establecemento de cadeas agroalimentarias curtas, a diversificación e a pluriactividade, o emprego de enerxÃa limpa de orixe local, unha baixa pegada ecolóxica e a creación de espazos de relación social lÃstanse como riscos imprescindibles neste sentido.
Logo desta publicación, o Laboratorio Ecosocial anuncia o desenvolvemento dunha nova base na que achegará apoio técnico e económico a iniciativas que se rexan polos principios de sustentabilidade recollidos na publicación. Estes proxectos semente "seleccionaranse mediante unha convocatoria aberta á presentación de candidaturas procedentes do Barbanza".