Xeliña fala galego é o título do texto que o mestre e tradutor Valentín Arias publicou en 1968 a falar da experiencia da súa filla como nena galegofalante. Agora, a Real Academia Galega recupera esta creación para conmemorar o Día da Lingua Materna que a UNESCO celebra o 21 de febreiro de cada ano. No artigo, Arias fala do cuestionamento que na altura viviron por transmitirlle á filla, que neste 2021 é homenaxeada no Día das Letras Galegas e a augurar que a cativa de sete anos tería acceso a outros idiomas con máis facilidade que os rapaces monolingües.
En paralelo, o web da institución publica un artigo do seu presidente, Victor F. Freixanes, no que reivindica o valor afectivo da lingua materna. "A fala primeira sempre está aí, no corazón, na memoria das cousas, nos primeiros aloumiños, nas primeiras experiencias, mesmo inconscientes: a fala primeira que nos axuda a recoñecernos e, ao mesmo tempo, nos abre ao mundo, tamén a outras linguas", expresa.
