Teófilo Comunicación publica un libro sobre etnobotánica do Courel

Un estudo etnográfico sobre as plantas medicinais e os seus usos tradicionais na comarca do Courel. Esta é a singular proposta que fai a farmacéutica María Moure de Oteyza en María das herbas e as Herbaxeiras do Caurel. A obra, que está a chegar ás librarías da man de Teófilo Comunicación, é o resultado de dous anos de traballo, e para alén da análise das plantas e da súa utilidade curativa, recolle tamén ditos, lendas e cancións da zona, e presenta aquelas persoas que lle achegaron á autora estes coñecementos. A obra, que se centra nas plantas herbáceas silvestres, é a primeira dunha triloxía que atenderá tamén ás plantas leñosas e mais ás cultivadas que se empregan con fins medicinais.

A autora presentou o seu traballo en liña nun vídeo do Grupo Naturalista Hábitat