Os Premios do Libro pasan a chamarse Follas novas

Rematou a primeira fase de votación coa que todos os anos, os membros das tres asociacións convocantes (Asociación de Escritores en Lingua Galega, Asociación Galega de Editoras e a Federación de Librarías de Galicia) premian as obras e iniciativas literarias do país máis destacadas do ano anterior. A que antes se coñecía como Gala do Libro, pasará agora a denominarse Premios Follas novas, en homenaxe ao título publicado por Rosalía de Castro en 1880. Dábase a curiosidade de que a Gala do Libro era o único dos grandes premios culturais galegos que carecía de nome. A gala presencial está prevista para o 15 de maio, pero só se celebrará "en caso de melloría manifesta da situación en Galicia". En caso contrario, celebrarase coma neste ano anterior, de xeito virtual.