A 17ª edición de Curtocircuíto Festival Internacional de Cine de Santiago de Compostela rematou este domingo deixando tras de si un intenso programa de máis de 80 películas proxectadas, cunha parte en liña a través da plataforma Filmin contribuíndo a manter nestes momentos o certame como punto de encontro da comunidade audiovisual internacional. Para o peche déronse a coñecer as decisións dos distintos xurados desta edición de Curtocircuíto e o palmarés de recoñecementos que manteñen a aposta pola contemporaneidade, o risco e a exploración formal que son premisa deste certame. O labirinto narrativo e poético da película Vestiges (an archipielago), de Enar de Dios (Ourense, 1986) foi merecedor do Premio Planeta GZ á mellor película de produción galega, ademais a súa directora acadou o Premio CREA a mellor dirección galega. O xurado de Planeta GZ viu nela "unha película reveladora, que nos fala sobre as consecuencias da desintegración e a transformación do territorio a mans do ser humano", e consideraron que a súa autora "logra un persuasivo equilibrio entre a palabra e as imaxes logrando axitar e interpelar ao espectador de maneira contundente".
A película Sun dog do belga Dorian Jespers foi a vencedora na Sección Radar. O filme foi elixido polo xurado "porque en tempos de escuridade, este filme amósanos unha luz apocalíptica que, entre o soño e o pesadelo, ofrécenos a esperanza do fin do inverno". O xurado desta sección destinou unha mención especial a Dustin, de Naïla Guiguet, que tamén recibiu o Premio do Público, patrocinado por GADIS. A cinta francesa presentou a ollos do xurado unha "autenticidade conmovedora". La sangre es blanca, de Óscar Vicentelli foi a cinta gañadora do Premio Penínsulas coa súa disección dunha corrida de touros, separada do seu folclore e convertida en danza macabra e ritual da morte. O xurado tivo en consideración o risco formal do autor "sorprendente e inédito, á hora de abordar un motivo con certa traxectoria audiovisual, a tauromaquia, desde unha perspectiva innovadora e que convida á reflexión, creando certa distancia grazas á súa proposta visual". Tamén nesa sección houbo mención especial para Los Páramos, de Jaime Puertas. O premio da Sección oficial Explora, aquela centrada na procura de sendas innovadoras na linguaxe audiovisual, próximas á videoarte, o documental ou o cinema de vangarda, premiou á obra británica Look Then Below, de Ben Rivers. Un filme que evoca os seres futuristas dunha arrepiante paisaxe cargada de fume e as profundidades da Terra.
Palmarés galego
A curtametraxe Blanco y fucsia, parte audiovisual dunha exposición de Marta Valverde (Nigrán, 1994) recibiu unha mención especial do xurado na sección Planeta GZ "por realizar un exercicio fresco e atrevido de auto retrato cunha fráxil e valente proposta formal que consegue captar as contradicións entre os soños e a realidade". O premio de guión, da Asociación Galega de Guionistas AGAG, recaeu en Rafa de los Arcos polo seu traballo en Todo el mundo se parece de lejos, do que o xurado especializado sinalou a súa capacidade "de contar sentimentos complexos de maneira sutil e ofrecer un retrato realista e sen artificios dunha ruptura amorosa". Os guionistas tamén quixeron destacar cunha mención especial a Dani Cornes polo texto de Onde dormen as gaivotas, por "reflectir a través da ciencia fición unha inquedanza universal e contemporanea". A parte galega do palmarés a completa o Premio Outra Compostela, patrocinado por Turismo de Santiago e a Santiago de Compostela Film Commission que foi para De sangue e cristais, de Lucía Ramiro, Bruno Arias, Miguel González, Beatriz Fernández e Miguel García. Dela o xurado destacou a "boa concepción do lisérxico contra o stablishment; da liberdade contra a autoridade e por saber plasmar a imaxe como rexistro doutra posible realidade".
Pola súa banda o Xurado Novo decidiuse pola obra Pyrale, de Roxanne Gaucherand, argumentando a súa decisión en que a película consegue "retratar de maneira sensible dúas naturezas aparentemente opostas como son a documental e a ficción, e un desastre ecolóxico co descubrimento dun primeiro amor nunha fusión de violencia e beleza". O xurado novo tamén tivo unha mención especial para a película gañadora da sección oficial Radar, Sun dog,
A película Sun dog do belga Dorian Jespers foi a vencedora na Sección Radar. O filme foi elixido polo xurado "porque en tempos de escuridade, este filme amósanos unha luz apocalíptica que, entre o soño e o pesadelo, ofrécenos a esperanza do fin do inverno". O xurado desta sección destinou unha mención especial a Dustin, de Naïla Guiguet, que tamén recibiu o Premio do Público, patrocinado por GADIS. A cinta francesa presentou a ollos do xurado unha "autenticidade conmovedora". La sangre es blanca, de Óscar Vicentelli foi a cinta gañadora do Premio Penínsulas coa súa disección dunha corrida de touros, separada do seu folclore e convertida en danza macabra e ritual da morte. O xurado tivo en consideración o risco formal do autor "sorprendente e inédito, á hora de abordar un motivo con certa traxectoria audiovisual, a tauromaquia, desde unha perspectiva innovadora e que convida á reflexión, creando certa distancia grazas á súa proposta visual". Tamén nesa sección houbo mención especial para Los Páramos, de Jaime Puertas. O premio da Sección oficial Explora, aquela centrada na procura de sendas innovadoras na linguaxe audiovisual, próximas á videoarte, o documental ou o cinema de vangarda, premiou á obra británica Look Then Below, de Ben Rivers. Un filme que evoca os seres futuristas dunha arrepiante paisaxe cargada de fume e as profundidades da Terra.
Palmarés galego
A curtametraxe Blanco y fucsia, parte audiovisual dunha exposición de Marta Valverde (Nigrán, 1994) recibiu unha mención especial do xurado na sección Planeta GZ "por realizar un exercicio fresco e atrevido de auto retrato cunha fráxil e valente proposta formal que consegue captar as contradicións entre os soños e a realidade". O premio de guión, da Asociación Galega de Guionistas AGAG, recaeu en Rafa de los Arcos polo seu traballo en Todo el mundo se parece de lejos, do que o xurado especializado sinalou a súa capacidade "de contar sentimentos complexos de maneira sutil e ofrecer un retrato realista e sen artificios dunha ruptura amorosa". Os guionistas tamén quixeron destacar cunha mención especial a Dani Cornes polo texto de Onde dormen as gaivotas, por "reflectir a través da ciencia fición unha inquedanza universal e contemporanea". A parte galega do palmarés a completa o Premio Outra Compostela, patrocinado por Turismo de Santiago e a Santiago de Compostela Film Commission que foi para De sangue e cristais, de Lucía Ramiro, Bruno Arias, Miguel González, Beatriz Fernández e Miguel García. Dela o xurado destacou a "boa concepción do lisérxico contra o stablishment; da liberdade contra a autoridade e por saber plasmar a imaxe como rexistro doutra posible realidade".
Pola súa banda o Xurado Novo decidiuse pola obra Pyrale, de Roxanne Gaucherand, argumentando a súa decisión en que a película consegue "retratar de maneira sensible dúas naturezas aparentemente opostas como son a documental e a ficción, e un desastre ecolóxico co descubrimento dun primeiro amor nunha fusión de violencia e beleza". O xurado novo tamén tivo unha mención especial para a película gañadora da sección oficial Radar, Sun dog,
