O festival Ourenrrock anunciou en maio, aínda no confinamento, o adiamento e traspaso de cartel deste ano ao seguinte, renunciando á edición que tiña prevista, pero a organización deste evento non quixo quedar coas mans cruzadas e deseñou unha alternativa reducida para este ano, como tamén están a facer outros festivais. O Ourenrrock Sound XS Edición limitada desprazrase nestsa ocasión especial ata o Castelo de Ribadavia o 23 de agosto nunha xornada única na que o importe íntegro da recadación será doado a Cruz Vermella Ourense, para rapaces en risco de exclusión social e escolar. Cunha capacidade para 400 persoas, este evento esgotou as súas entradas en paenas 20 minutos no momento en que saíron á venda hoxe mesmo, tras a presentación do seu cartel conformado por tres propostas musicais galegas : Xoel López, Sés e Os amigos dos músicos.
Tiran a toalla
Pola contra outros eventos do mesmo tipo veñen de anunciar a imposibilidade de celebrarse este verán. Así esta mesma mañá o Felicia Pop festival, de Limobre (Fene), previsto para os días 7 e 8 de agosto, anunciaba a súa cancelación, malia que levaba desde fai semanas engadindo nomes, moitos deles de bandas galegas, ao seu cartel con vontade de sacar adiante unha edición, algo limitada, do pequeno festival independente. A directiva explica nunha nota publicada nas redes sociais que a primeiros de xuño aínda vían posible que un festival pequeno, coma o seu, podería saír adiante, "pero a situación desde entón non fixo máis que empeorar ata situarse en cifras similares ao preconfinamento", afirman. Tomaron así a decisión de suspender tras avaliar todos os condicionantes, coma son "o aumento continuado de casos en Galicia, riscos para a comunidade e colaboradores, cancelación de grupos, etc. E posto que a situación non ten visos de mellora nos días que restan ata o festival".
Tamén e o caso do Festival de La Luz, de Boimorto, que por medio dun comunicado anunciaba aínda esta semana o seu aprazamento ao 2021. "Despois de estes meses de incerteza e agora que comezamos a adaptarnos a esta nova normalidade facíanos especialmente ilusión celebrar o Festival de la Luz. Sen embargo, a falta de dos meses da celebración, vemos inviable a súa realización pola evolución da COVID-19", conclúe a organización, que ademais xa sinala os días 10, 11 e 12 de setembro do ano que ven para a realización do evento. O festival este ano non chegou a presentar cartel artístico.
Tiran a toalla
Pola contra outros eventos do mesmo tipo veñen de anunciar a imposibilidade de celebrarse este verán. Así esta mesma mañá o Felicia Pop festival, de Limobre (Fene), previsto para os días 7 e 8 de agosto, anunciaba a súa cancelación, malia que levaba desde fai semanas engadindo nomes, moitos deles de bandas galegas, ao seu cartel con vontade de sacar adiante unha edición, algo limitada, do pequeno festival independente. A directiva explica nunha nota publicada nas redes sociais que a primeiros de xuño aínda vían posible que un festival pequeno, coma o seu, podería saír adiante, "pero a situación desde entón non fixo máis que empeorar ata situarse en cifras similares ao preconfinamento", afirman. Tomaron así a decisión de suspender tras avaliar todos os condicionantes, coma son "o aumento continuado de casos en Galicia, riscos para a comunidade e colaboradores, cancelación de grupos, etc. E posto que a situación non ten visos de mellora nos días que restan ata o festival".
Tamén e o caso do Festival de La Luz, de Boimorto, que por medio dun comunicado anunciaba aínda esta semana o seu aprazamento ao 2021. "Despois de estes meses de incerteza e agora que comezamos a adaptarnos a esta nova normalidade facíanos especialmente ilusión celebrar o Festival de la Luz. Sen embargo, a falta de dos meses da celebración, vemos inviable a súa realización pola evolución da COVID-19", conclúe a organización, que ademais xa sinala os días 10, 11 e 12 de setembro do ano que ven para a realización do evento. O festival este ano non chegou a presentar cartel artístico.