Ribeira acolleu a entrega de premios da última edición do premio de narracións breves Modesto R. Figueiredo, que organiza a Fundación Padroado Pedrón de Ouro, desta volta en colaboración co concello de Ribeira. A gañadora foi a escritora Estíbaliz Espinosa, por un relato titulado 23 xeitos de inventar unha constelación, e recibiu os 1000 euros de dotación económica do galardón. Como é habitual, o xurado concedeu tamén dous áccesit. Desta volta, recibíronos Yolanda Ceide, polo texto Trinta minutos antes e Virxilio Rodríguez, por A primeira vista.
