Quiosco: Papeis da Academia

Coa fin de 2019 a Academia Galega do Audiovisual puxo na rede unha nova entrega da súa publicación Papeis da Academia. A presenza do audiovisual nas aulas centra este número, que conta con contribucións de Manolo Gonzalez, Coque Dosil, Marcos Nine, Jorge Rivero, Cristina De La Torre, Roberto Varela, Mónica García Iglesias, Ana Moreiras, Alfonso Blanco, Emma Lustres, Ghaleb Jaber, Beli Martínez, Andrea Vázquez, Ramiro Ledo, Sara Donoso ou Ana Miguez. Nos contidos, atópanse propostas de filmes para traballar nas aulas canda a un repaso por diferentes iniciativas educativas neste campo.

Para alén do ámbito educativo, a publicación recolle tamén a actualidade do sector durante 2019, a incidir en particular no eco internacional de producións galegas, e dá conta da actividade da Academia durante este período.