Música, artes escénicas, fotografía e arte atópanse no III Festi=

O Festival de Artes pola Inclusión Cultural, Festi=, desenvolvido pola Fundación Emalcsa en colaboración co Concello da Coruña, chega este mes de novembro á súa terceira edición. Obradoiros, rutas inclusivas, concertos, teatro, audiovisuais ou exposicións danse cita nun programa que arrinca o vindeiro día 8 coa estrea da representación teatral Construíndo Soños, da Asociación Diversos, que tamén presentará o fotolibro Buenos Aires.

A exposición de fotografía Taigeto, Sueños y Normalidad da Asociación Poten100mos, un concerto de Músicas inclusivas e participativas a cargo de Asociación Tres por Cuatro e Robert Pier ou a exposición Encajando a Seoane son outras das propostas incluídas no programa. O Centro Ágora acollerá o vindeiro 1 de decembro o feche da edición cun concerto da orquestra de cámara galega, dirixida por Rogelio Groba e unha actuación actuación especial de De Vacas.