O portal historiadegalicia.gal convoca a terceira edición do programa "Rutas de Historia", un proxecto de "turismo histórico" co obxectivo de "recuperar ese patrimonio oculto que atesoura Galicia". Os roteiros comezan o 14 de setembro en Coirós e rematan o 16 de novembro, Día Mundial do Patrimonio, cun roteiro sorpresa. Os roteiros son terrestres, pero como novidade estes anos hai un marítimo pola ría de Ferrol e outro noturno, polos petróglifos de Teo. Outras opcións inclúen unha visita á Pena Furada e Santa Mariña de Lesa, en Coirós (A Coruña), un paso polo "Ferrol rebelde: 100 anos de historia obreira", outro polos castros costeiros da Mariña luguesa, polas "augas sagradas" de Cuntis (Pontevedra), pola fusión de literatura e historia en Dodro (A Coruña), ou ao castelo de Santigoso, na Mezquita (Ourense). A inscrición aos roteiros é obrigatoria no web www.rutasdehistoria.gal e as prazas son limitadas.
Serán oito roteiros que percorrerán as catro provincias galegas. Comezarán o
vindeiro 14 de setembro e rematarán o 16 de novembro
