Foi tamén alcalde de Redondela e deputado provincial
Amado Ricón recollendo a condecoración da distinción de cabaleiro choqueiro de honra de Xan Carallás (2016). Foto: Fundación Lusogaláica
Na súa localidade natal de Redondela falecÃa no dÃa de onte aos 85 anos de idade Amado Ricón Virulegio, quen fora presidente entre os anos 2000 e 2005 do Instituto Galego das Artes Escénicas e Musicais (IGAEM) entidade predecesora do AGADIC. Ricón foi tamén anteriormente alcalde da súa localidade entre 1996 e 1999 e deputado provincial encargado de Cultura. Ricón naceu en Redondela en 1933 e emigrou a Nova York con 25 anos onde se licenciou e doutorou no College of State Island cunha tese sobre Eduardo Pondal. Sobre o poeta escribiu alguns dos libros que publicou en lingua galega. Ricón foi profesor na universidade de Nova York e obtivo o cargo de catedrático de Lingua e Literatura española e xefe do Departamento de Linguas Romances. En 1993 foille outorgada a Medalla Castelao. O Concello de Redondela, a proposta dos grupos municipais, acordou declarar dous dÃas de loito oficial “pola súa traxectoria e dedicación". O enterro de Amado Ricón terá lugar esta tarde no cemiterio de Cesantes, e os actos funerarios ás 18 horas na igrexa de Santiago segundo informa o xornal Faro de Vigo que ofrece un amplo perfil do falecido. A través das súas redes sociais a Axencia Galega de Industrias Culturais tamén tivo un recordo para o que foi presidente do IGAEM.
