Aínda que hai case unha década que a elaborou, é a coincidir co Viñetas desde o Atlántico desde 2019 que ve a luz a máis recente novela gráfica de Antonio Seijas. A Chaira sae publicada da man da libraría Alita Cómics nun duplo lanzamento en galego e en castelán con preto de 90 páxinas a cor. O autor apunta que a obra é unha "pequena fábula" na que o contorno ten máis peso que os propios protagonistas da historia. "A chaira é un estado mental, un estado do espírito, onde os silencios son tan importantes como as palabras e a paisaxe é a verdadeira alma da historia". O posto de bibliotecas do festival coruñés acolle este xoves 8 de agosto a presentación da obra, na que o autor estará acompañado do libreiro Juan Carlos Sanmiguel e da bibliotecaria Fátima Elías.
