Óliver Laxe competirá polo Premio do Público do Festival de San Sebastián

O que arde, filme do director galego Óliver Laxe, foi seleccionado polo Festival de Cine de San Sebastián como unha das producións que competirán polo Premio do Público. A vindeira edición do evento, que se desenvolverá entre o 20 e o 28 de setembro vindeiros, proxectará esta produción no marco da sección Perlak, onde competirá con traballos de Bong Joon Ho, Ken Loach, Nakache e Toledano e Wang Xiaoshuai. A organización anunciará en vindeiras datas outros filmes que participarán nesta sección.

Pola súa banda, Eloy Enciso leva o seu filme Longa Noite ao festival de cinema de Locarno, onde será a única produción estatal en competición oficial. O filme, unha reflexion sobre as relacións humanas e a auxe do fascismo ambientada na Galicia da posguerra, é o segundo que dirixe Enciso. O festival desenvolverase entre o 7 e o 17 de agosto de vindeiros, e no mesmo participa tamén Carne, documental animado que coproduce a empresa galega Abano e dirixe Camila Kater.