David Prieto Seijo, "Gochi" gañou o primeiro premio na categoría de adultos do Concurso de Cómic de Moaña coa obra “O meritorio”, que trata o tema dos medios de comunicación. Esta historia autobiográfica de tres páxinas en branco e negro valeulle ao autor coruñés os cen euros en metálico do galardón, ademais doutros sesenta en material editorial. Mentres continúa a serie “Trasmaño” na revista "Golfiño" facendo tándem co colorista Juan Martín, Gochi prepara numerosos proxectos como a súa participación no vindeiro álbum de BD do Colectivo Chapapote. Entre os seus próximos traballos destaca a continuación de “Cerditos de Guinea”. O debuxante anuncia para o vindeiro “Viñetas desde o Atlántico” (agosto de 2003) a saída do número 1 desta súa serie autopublicada, que planificou para oito entregas ademais do xa publicado número cero. Os números 1 a 8 contarán con dezaseis páxinas e conterán tamén ilustracións feitas ex profeso por outros autores.
Consulta a ficha de Cerditos de Guinea e o web do Colectivo Chapapote
